環球 icon-chevron-right 香港 icon-chevron-right 香港人氣煲仔飯店
Chop Chop Hong Kong
Photograph: Courtesy Chop Chop Hong Kong

香港人氣煲仔飯店

為大家搜羅最熱門的煲仔飯店,看看哪一間最合你口味

作者:Ann Chiu
廣告

入冬,當然要歎煲熱辣辣的煲仔飯!廟街、西環、柴灣、九龍城,向來都是地道煲仔飯的重地,炭香飯香瀰漫於空氣中;誘人的,還有它的街頭風味;此外,也有新派的型格餐廳主打煲仔飯,讓你坐得舒適,食得招積。我們精選以下11間城中最熱門的煲仔飯店,部分更可以外賣自取或送上門,快啲揀啱口味去試吓啦!如果煲仔飯未能滿足你,不如看看我們推介的最佳中菜餐廳吧!

其他推介:外賣盆菜推介網上曲奇餅店精選

Yung's Bistro
Yung's Bistro
Photograph: Courtesy Yung's Bistro

鏞鏞・藝嚐館:自家瓦罉臘味煲仔飯

餐廳 中國菜 尖沙咀

自家製的瓦罉臘味煲仔飯($430)以鏞記的招牌臘味製作而成,當中包括鵝肝腸、臘腸及臘肉。其中的鵝肝腸,是鏞記於上世紀70年代全港首創,採用特選自家優質鵝肝製造而成,味道比鴨肝及雞肝更為甘香油潤,有別於坊間的膶腸。煲仔飯以家傳秘技烹調足足45分鐘炮製出一煲煲熱辣辣、香噴噴並帶有飯焦香氣的惹味煲仔飯。 (可供堂食及外賣自取,敬請提前45分鐘預訂。)

Chop Chop Hong Kong
Chop Chop Hong Kong
Photograph: Courtesy Chop Chop Hong Kong

Chop Chop 食神叉燒:黯然銷魂煲仔飯

餐廳 炮台山

Chop Chop 食神叉燒由有「香港食神」之稱的戴龍師傅擔任餐廳顧問,以傳統烹調手法加上天然食材,炮製黯然銷魂叉燒、燒鵝、白切雞、豉油雞等傳統燒味,絕不使用任何化學添加劑,健康美味由即日至20212月28日,戴龍師傅炮製十款美味且滋補的煲仔飯,包括日本肥牛窩蛋 ($120)、鵝肝羊肚菌($120)、雞雜拼臘腸 ($80)、北菇雞臘腸 ($80)、淮山杞子北菇雞 ($80)、排骨南瓜 ($80)、排骨臘腸 ($80)、鹹魚肉餅 ($80)、臘鴨脾 ($80),當然不少得招牌黯然銷魂煲仔飯 ($80)等。除了堂食和外帶,大家還可透過 Chop Chop 食神叉燒的官方網站、戶戶送(Deliveroo)、開飯喇(Openrice)及Foodpanda 訂購煲仔飯。

廣告
Dimpot
Dimpot
Photograph: Courtesy Dimpot

點煲:全港首創備長炭煲仔飯

餐廳 馬鞍山

主打煲仔飯,選用備長炭燒焗,強勁而穩定的火力鎖住食物原汁原味,炭火更讓飯粒平均受熱,炭香撲鼻,飯焦薄脆。除了有受歡迎的經典煲仔飯,我們更別出心裁,加入以沙巴龍躉、芝士配搭櫻花蝦、金蠔,以及豪華海膽安格斯牛肉等嶄新組合作為主打的創新口味,加上多款自家制的精緻造型點心、煲仔菜、明火靚湯等特色美食,深受年青人和小家庭喜愛。除了一系列特色煲仔飯,點煲更提供一系列惹味的煲仔菜、前菜小食、新派點心及明火靚湯,其中砵酒大鱔煲、勁辣滑雞煲以及羅漢齋煲更深受大家喜愛,充滿大排檔風味。

Sheung Hei Claypot Rice 嚐囍
Sheung Hei Claypot Rice 嚐囍
Photograph: Ann Chiu

嚐囍煲仔小菜:飯焦最强

餐廳 堅尼地城

嚐囍是西環區內有名的街坊小菜館,更攞埋「米芝蓮車胎人美食推介」,人氣爆燈,晚上七時後必現人龍。 這裏的煲仔飯約有30款,師傅混合泰國新舊米,加上幾滴豬油,更堅持以炭火炮製。臘味排骨煲仔飯米飯乾爽甘香,飯焦可原塊刮起,金黃勁脆﹗臘腸膶腸甜甜地有玫瑰露香;排骨入味、臘肉唔過肥;豉油鹹甜適中。值得一讚,小店服務甚佳。 

廣告
Kwan Kee 坤記小菜煲仔飯
Kwan Kee 坤記小菜煲仔飯
Photograph: Ann Chiu

坤記小菜煲仔飯:豉油出色

餐廳 中國菜 西營盤

西環煲仔飯一哥,老店設桂香街, 以老闆坤哥親自主理的炭燒煲仔飯聞名,晚飯時段一定要預先訂枱。德輔道西分店,雖然非炭燒, 但煲仔飯同樣有水準,大路款式約30款,下單後一般要等一個鐘先有得食。窩蛋牛肉臘腸煲仔飯飯甘香,粒粒分明,飯焦分佈整個鍋底,有種鍋巴的焦香;牛肉入味軟腍,臘腸有質素。秘製豉油甜中有鮮,為煲仔飯加分。略嫌窩蛋上桌時已焗至半熟。

Four Seasons Pot Rice 四季煲仔飯
Four Seasons Pot Rice 四季煲仔飯
Photograph: Ann Chiu

四季煲仔飯:人龍最長

餐廳 油麻地

廟街一列幾間煲仔飯店,當中四季煲仔飯不試不可。紮根廟街幾十多年,四季絕對稱得上是煲仔飯始祖。店裏提供超過30款煲仔飯,款式傳統不花巧,全部以炭爐即席煮,米飯散發陣陣炭香,豉油加入香料烹調,味道香甜。除了煲仔飯之外,炸鴨蛋蠔餅是必試之選,吃起來鬆脆鹹香,十分惹味。一到煲仔飯旺季,晚晚爆滿,長龍閒閒地20、30人。膶腸雞肉煲仔飯,飯算乾身,有米香,惜飯焦少而且腍身。膶腸酒味太重;雞肉用上髀肉,肉質滑溜但冇肉味。豉油最為出色,以料頭煮過,惹味香甜。

廣告
Siu Wah
Siu Wah
Photograph: Calvin Sit

紹華小廚:創新口味

餐廳 中國菜 筲箕灣

老闆華哥是昔日登龍街煲仔飯名店「新翠華」的大廚,曾創出不少經典的煲仔飯。這裏的招牌炭燒煲仔飯有近30款口味選擇,除傳統配料,也有多款創新口味,如野菌鵝肝飯、荔茸肉碎飯、蒜香牛頸脊飯等。鱆魚雞粒臘腸煲仔飯鱆魚雞粒味道不俗,臘腸肥瘦適中。豉油味道有層次,鮮甜美味,撈飯一流。 

Wing Hop Sing Claypot Rice
Wing Hop Sing Claypot Rice
Photograph: Ann Chiu

永合成馳名煲仔飯:麵包爐焗飯

餐廳 石塘咀

逾40年歷史的上環老字號食店,由最初一間茶餐廳變成主打賣煲仔飯的店戧。這裏出名用麵包爐焗煲仔飯,火候平均,飯粒分明,不過要心理準備要20-30分鐘。推介馳名的窩蛋牛肉飯,手剁牛肉醃得入味,咬下有嚼勁,撈埋窩蛋食,又香又滑。不可錯過還有這裏的例湯,足料無味精。溫馨提示:店舖不做晚市,星期日及公眾假期休息,不要摸門釘啊!

廣告
Claypotrice_ 砂煲兄弟
Claypotrice_ 砂煲兄弟
Photograph: Courtesy Casserole Buddies

砂煲兄弟:新派 fusion

餐廳 西貢

餐廳擁有超過3,000平方呎,在裝潢方面以香港最為蓬勃的70、80年代的大排檔為藍本,將餐廳打造成全新的港式復古風餐廳。食物方面以本土特色的煲仔菜為主題,推介有焦氣懷舊煲仔飯系列如鹹魚肉餅煲仔飯、鮑魚滑雞煲仔飯、窩蛋牛肉煲仔飯等。此外也有新派口味如東瀛抹茶櫻花蝦鰻魚煲仔飯和海南風味雞煲飯,喜歡試新口味的你不可錯過!

Tim Lok Yuen 添樂園
Tim Lok Yuen 添樂園
Photograph: Ann Chiu

添樂園:茶記格局

餐廳 九龍城

九龍城幾十老字號飯店,茶記格局,主打粥粉麵小菜,還有約20款的煲仔飯,招牌有薑葱魚腩飯、陳皮魚腸飯、咖喱斑塊飯和臘鴨飯等。臘鴨臘腸煲仔飯臘鴨髀有鹹香,臘腸有油香,惜飯粒碎欠飯香,飯焦少。

廣告
Hing Kee 興記菜館
Hing Kee 興記菜館
Photograph: Ann Chiu

興記煲仔飯:地道風味

餐廳 油麻地

興記在廟街已䇄立30多年,於前後兩條街共擁有六間店舖,座位多不用輪候太耐。雖格局較為簡陋,勝在菜式價錢平又充滿地道風味,不少遊客慕名而來。這裹的炭燒煲仔飯花款多,左拼右搭逾兩60款。窩蛋免治牛肉餅臘腸煲仔飯飯不乾不爽有點煮爛飯,飯焦又燶又硬。免治牛肉餅有筋帶羶味,臘腸衣太韌難咬,一咬爆多油;豉油色水深偏鹹,慎落﹗老實講,來這裏食風味多於味道。

相關文章

其他推介

    你或許也會喜歡

      廣告