Battle 港鐵站燒賣

口痕時候總有一間喺左近
作者:Ann Chiu |
廣告

假如你是朝朝趕返工,衝落繁忙的港鐵站,九秒九想揾啖好食,買個熱辣辣嘅蒸包或點心,都係果腹嘅唔錯選擇。今次我們為大家一口氣試了四家港鐵站內連鎖店的招牌燒賣,究竟十多元價錢,可否吃到足料又好味的點心呢?

如果唔趕時間, 不如睇埋我們的中上環必試咖啡店推介,歎杯靚 latte 先返工啦!

餐廳

健康工房︰味道偏淡

icon-location-pin 尖沙咀

傳統涼茶舖轉型的健康工房,除了主打多款健康養生飲品,也有三款養生點心和包點。淮山杞子豬肉燒賣($17/四粒),標榜杞子益腎氣健脾胃,而杞子則有滋腎明目之效。燒賣用蒸爐不斷蒸着,夠熱得來又不會蒸爛皮!大大粒燒賣餡咬下有質感,惜味道偏淡。

Time Out 評分︰3.5/5

餐廳

鴻福堂︰肉味欠奉

icon-location-pin 銅鑼灣

同樣是以涼茶舖起家的鴻福堂,提供各式各樣的草本飲品、中式湯品、龜苓膏及其他食品。香菇淮山豚肉燒賣($15/六粒),口感實淨,淮山有點爽口,惟餡料混入粉多過肉,肉味欠奉。勝在豉油辣油甜醬放枱上任落,加添味道。

Time Out 評分︰3/5

廣告
餐廳

唐記包點︰媲美酒樓

icon-location-pin 太子

唐記包點近年積極進駐了人流繁忙的港鐵站,跟其他地面的分店一樣,店舖內設大型蒸爐,點心新鮮即蒸,炮製原汁原味的正宗港式蒸品。點心款式繁多,招牌食品包括鳳爪排骨飯、糯米雞、鵪鶉蛋燒賣及菜肉包等。燒賣($17/四粒),肉餡有豬肉和蝦肉,咬下彈牙有鮮味,味道貼近酒樓水準。

Time Out 評分︰4/5

餐廳

唐包點︰原隻蝦仁

icon-location-pin 尖沙咀

唐記包點的新line,設計走年輕路線。店內棄用即蒸方式,改由工場預先蒸好,再運送至店內保溫,點心款式大路,選擇較唐記包點少。燒賣($17/四粒)粒粒放上原隻蝦仁,但食落毫無蝦味,加上燒賣放保溫箱太耐,外皮焗得有點爛。慶幸燒賣餡肉豬肉足料,肥瘦均勻,咬下有彈性,味道尚算不俗。

Time Out 評分︰3.5/5

廣告
Battle Siu Mai

結論︰唐記包點勝

唐記包點不單以新鮮即蒸點心取勝,而且用料足,調味得宜,以十多元價錢吃都酒樓質素點心,真正平靚正!

相關文章

餐廳

Battle 四大邪惡西多 越邪惡越好食﹗

西多士, 本身已是邪惡的化身。假如再要喺兩塊麵包中間狠狠地加入饀料,就等同將邪惡加倍﹗今次 Time Out 揾嚟城中四大有饀西多士,有鹹有甜有爆流心,睇吓邊款最邪惡、最有內涵兼最得我們歡心?

廣告
This page was migrated to our new look automatically. Let us know if anything looks off at feedback@timeout.com