環球 icon-chevron-right 香港 icon-chevron-right 香港最新七間主題 party room 推介

香港最新七間主題 party room 推介

仲唔快啲 book 定心水 party room 迎接聖誕同新年

Chillax Party x HST 好息歎
作者:Time Out Hong Kong |
廣告

聖誕節快到,諗好去邊度玩未?如果唔想出去同人逼,相信 party room 是一個不錯的選擇。想一班朋友去唱 K 跳舞又得、想幾個閨蜜靜靜地睇戲煮飯又得、想搵特色波波池打卡放 IG 亦得!我們為大家精選了七間比較新的主題 party room,無論你想打麻雀、BBQ、玩水戰或打機等,都能滿足到你的要求,聖誕節不用再愁去邊好啦!

如果你想揾埋到會聖誕餐服務,請看我們的九間高質聖誕到會推介。

撰文:Tracey Tang

好去處

GG Party:全港首個 PUBG 主題

icon-location-pin 葵涌

早前手機遊戲 PUBG 大熱,不少朋友時至今天都依然未忘「食雞」,但大家又知唔知原來葵興有間以 PUBG 為主題的全新 party room 呢?這間 GG Party 場地十足遊戲場景,滿地遍佈頭盔、背囊、備彈衣、及長槍等武器,有得著齊裝備俾大家齊齊 Cosplay,認真過癮!大家可以拎齊繃帶和平底鍋等一起打卡,這裏更有四部配上電競椅的電腦,大家可以約朋友現場連線玩 Online PUBG!其他基本設備如:唱 K、Switch、PS4、電動麻雀枱、board game 等一應俱全,聖誕一於約朋友仔一決高下!

好去處

Kickback Party Room:小型派對打卡

icon-location-pin 觀塘

不少女生都對 party room 的波波池情有獨鍾,事關大家都要打卡分享,如果場景又殘又舊,恐怕弄壞氣氛呢!Kickback 夠晒巴閉,設有名為「人氣幻影雲端波波池」,不但有三盞雲朵吊燈,更配有吹氣彩虹做背景,女生見到一定開心啦!雖然 Kickback 佔地只有千餘平方呎,相對其他場地面積較小,但勝在裝潢時尚簡約,地方乾淨又舒適,仲有創意髮廊燈讓大家隨時隨地 cosplay 影相。基本設備亦相當完善,100吋投影銀幕、PS4、VR、Switch 等遊戲機應有盡有。

廣告
好去處

Tent Party:特大星空露營主題

icon-location-pin 葵芳

想觀星但又唔想在戶外凍親?這裏提供一個浪漫的解決方案。Tent Party 是全港首間及唯一一間佔地 7,000多平方呎並以投影及霓紅燈主題 party room ,大家在室內都可以感受星空下露營的夢幻氣氛,場地分為兩部分,室內設有人造草地及帳篷,多款星空及極光投影呈現大家眼前,旁邊還有 LED 白玫瑰花海和旋轉發光韆鞦,讓情侶們玩返夠本!而室外場設超大露台,讓你 BBQ 之餘,更可在進行水戰,或在大型戶外沙發及幻燈吧枱旁歎美酒,一次過滿足大家所有願望!

好去處

The Core Base:閨蜜們大展廚藝

icon-location-pin 葵涌

這裹沒有典型的娛樂設施,但卻有一個設備齊全的開放式廚房,場地提供多款廚具及基本調味料,煮食設備如焗爐和電飯煲等都一應俱全;各位美女廚神可以大展廚藝,與朋友們分享自家製美食,焗火雞又得,焗聖誕蛋糕又得,場地更有自家種植香草,歡迎客人使用。此外,這裏設有露台讓大家可以欣賞無敵大海景,黃昏時可望住日落準備大餐。食飽後更可拉下投射螢幕看電影或玩 PS4,適合跟幾個閨蜜們歡聚談天。

廣告
好去處

Celsius 15:酒吧主題連千呎天台 BBQ

icon-location-pin 觀塘

Celsius 15 是一間以酒吧為主題的 party room,場內紫紅色射燈及轉動波波燈帶出「bar 的感覺」。由於這裏前身是跳舞室,室內地方偌大,適合大班舞林高手勁歌熱舞。全場可坐100人。若玩到攰,可以到上層1,500平方呎天台 BBQ 燒雞翼醫肚。溫馨提示:場地提供燒烤用具,不過記得要自備食材。值得一讚,天台視野無阻擋,可以看到觀塘鬧市景色。

好去處

好息歎:全港首個「型光」大型共享空間

icon-location-pin 觀塘

如果大家對發光獨角獸波波池、鬥牛機及淋水單車的 party room 留下深刻印象,那就要留意今年新開的好息歎,同屬 Chillax Party 集團旗下 party room,總面積約3,000平方呎,場內保留夢幻發光波波池,並加入螢光元素,增設全港首個「型光公共空間」,大家可以盡情玩「型光巨人足球機」、「型光3D 扭扭樂」及日本直送 Konami 拍拍機,超多遊戲選擇,最啱開大型派對!

廣告
好去處

Meet 1 Meet:24小時馬戲團派對

icon-location-pin 觀塘

Meet 1 Meet 以紅白色調馬戲團佈景為主題,全場只有700平方呎,沒有劃分獨立房間,所以約好八位即可包場,開小型派對最好不過。室內不只佈置得入型入格,設有許多動物的裝飾品,打造馬戲團的氣氛:也有150呎投影屏任玩 Switch,仲有四人手掣可以齊齊玩。這裏最特別是設有棉花糖機,你可不停自製棉花糖,過一個甜絲絲的聖誕。另外,三合一遊戲桌可玩迷你桌球、氣墊球及乒乓波,肚餓更可把它又變身遊戲桌或餐桌,放到會美食都得。這裏是24小時營業,大家想玩通通宵的話,這也不失為包場好去處!

廣告