摩豆

位於旺角花園街的摩豆，長期排人龍，主打超過十款雞蛋仔口味，最特別係有坊間少有嘅斑蘭味、積及橙朱古力味、肉鬆蝦乾味，以及羅宋湯口味雞蛋仔。今次我哋試咗佢嘅積及橙朱古力（$23）同斑蘭雞蛋仔（$19），前者橙香味强勁加埋半溶朱古粒，真係好有積及 feel！而斑蘭雞蛋仔斑蘭味較清淡自然，唔似落香精，食到有蛋香。質感方面，剛做起時，兩者賣相都挺身，中心填滿餡料，外脆內軟，略嫌外層較快變腍。