平靚正 下午6:00
Black Sheep 飲食集團旗下口利福主廚 ArChan 及 Jonathan 將集團專屬飯堂變身為快閃大排檔「平靚正」，重現港式撚手小菜及鑊氣小炒，打造成深宵聚腳之處，旨在成為業界朋友交流的好地方，所以特別為飲食及酒店業界朋友提供八折優惠。
平靚正菜單主打經典港式撚手小菜。特製高火力爐頭，令每道菜帶有微微焦香，熱辣辣上枱，香氣撲鼻。精選菜式包括椒鹽避風塘粟米、咖喱椒鹽真鮮魷、外脆內軟煎蠔餅、豬油撈飯、黑椒脆薯牛柳粒、紅酒牛尾草香煲，以及蒜蓉粉絲蒸勝瓜，少不了還有經典是但求其小炒王，碟碟「平靚正」。火滾瓦煲、爐火熊熊、冰凍啤酒，配上回憶殺廣東歌：陳奕迅、容祖兒、Twins 等，氣氛大熱到像赤道重疊！平靚正於6月18日至8月31日快閃登場，逢星期二至六晚上6時起營業。
地址：中環蘇豪士丹頓街22號昇寓1樓
