0 喜愛
儲存

Battle 四大邪惡西多 越邪惡越好食﹗

兩塊方包,蘸上蛋汁,猛油一炸,金黃色的西多是港人三點三最愛的美食之一

西多士, 本身已是邪惡的化身。假如再要喺兩塊麵包中間狠狠地加入饀料,就等同將邪惡加倍﹗今次 Time Out 揾嚟城中四大有饀西多士,有鹹有甜有爆流心,睇吓邊款最邪惡、最有內涵兼最得我們歡心?

周記︰奶黃流沙西多($32)

周記點心的流沙西多已是西環名物,共有三款味道俾你揀︰奶黃、芝麻和芋泥,當中以奶黃最受歡迎,非繁忙時間落柯打,都要等十多分鐘。奶黃流沙西多賣相跟普通西多無異,中心微微拱起,一下刀,奶黃如溶岩般湧出,簡真震撼視覺﹗奶黃鹹香豐腴 幼滑起沙,水準不俗,可惜麵包炸得太乾,做不到外脆內軟的質感。

Time Out 評分︰3/5

查看更多
西營盤

維記咖啡粉麵︰咖央醬西多($19)

維記唔止豬膶麵出名,佢哋嘅咖央西多都有唔少捧場客。咖央醬是自家製,斑蘭汁加蛋和椰漿打起,夾在兩片薄方包中間,太厚度剛好。雖然西多炸得不夠香脆,但勝在咖央醬夠香夠滑,不會過甜,淋埋糖漿就 perfect﹗

Time Out 評分4/5

查看更多
深水埗
廣告

樂園︰沙爹牛肉西多($29)

沙爹牛肉和西多士,聽起來好似風馬牛不相及,但原來將兩者二合為一,又出奇咁夾﹗這裏的沙爹牛肉西多,以新鮮牛肉加入自家秘製沙嗲醃煮後,夾在兩片麵包之間炸至金黃色,然後放上牛油、淋上煉奶。切開西多,滿是牛肉,沙爹香氣撲鼻,又帶點花生香,配上煉奶,鹹鹹甜甜,真係幾好食﹗加上麵包炸得恰到好處,外脆內軟,沒有多餘的油份,唔會越食越膩,好想再食多一件﹗

Time Out 評分5/5

查看更多
九龍城

紅茶冰室︰芝士西多($23)

麵包炸得夠金黃,惜上面的牛油多得過份,溶掉後變成油浸西多士,將香脆的麵包也浸軟;切開西多,芝士沒有如想像般湧出來,勉強拉出來半凝固的芝士,味道偏淡,芝味欠奉,芝士迷定必失望。

Time Out 推介︰2/5

查看更多
佐敦
廣告
總結

總結

九龍城樂園的沙爹牛肉西多士整體評分最高,麵包炸出漂亮金黃色,外脆內軟;沙爹牛肉饀料足料好食;牛油和煉奶份量剛好,跟西多和饀料完美融和,毫無疑問是我們最愛的邪惡西多﹗

相關文章

Battle 四大蛋治王

幸福滋味可以好簡單。平凡如蛋治。早晨一口,喚醒了無數人的惺鬆睡眼;三點三,又為營營役役的打工仔,頃刻帶來窩心暖意。 香港地,有不少冰室茶記都各「治」為正,今次 Time Out 就暗試城中四大人氣蛋治,鬥香鬥厚鬥 creamy,且看誰是真正蛋治王﹗ 

查看更多

評語

0 comments