陶源酒家每年的大閘蟹併片皮鴨放題一向榜上有名，今年首推「冷熱兩食」新體驗，除了保留歷年最受歡迎的清蒸大閘蟹、太雕蒸大閘蟹、油鹽焗大閘蟹等熱食外，更新增冷盤「花雕熟醉蟹」一共四種食法，兩小時任點任食。加上北京片皮鴨、多款小食主菜（午市時段無限任食蝦餃、燒賣、灌湯餃）及甜品等超豐富菜式，務求令食客捧腹而歸。另外亦會送出「特盛三式」包括鮑汁扣原隻鮑魚伴椎茸、蟹粉瀑布和蟹肉椰菜粉絲，每位客人一份。
價錢：成人$528起
供應時間：12pm-4pm、6pm-10pm
香港康得思酒店自助餐餐廳 The Place 今年的「蟹逅世界．海鮮狂饗」自助餐以江蘇大閘蟹為主角，每位成人於晚市時段可獨享一隻三両半重清蒸大閘蟹，小童亦可享用芙蓉蟹皇蟹肉伊麵一客。此外還有多款蟹主題料理包括鑊氣十足的金沙螃蟹、紫蘇蟹肉薑米炒飯及蟹皇蒸豆腐等，豐富菜式讓蟹迷們過足口癮。特別推薦新鮮焗製的上海懷舊點心—香蔥蟹殼黃酥餅，香脆的酥皮包裹着濃郁的大閘蟹膏蟹肉，每一口都大滿足。不夠喉的話還有無限任食北海道毛蟹、加拿大龍蝦、新西蘭青口、俄羅斯蟹腳、越南凍蝦及凍沙白蜆等環球冰鎮海鮮，輕鬆回本。
「蟹逅世界‧海鮮狂饗」自助餐
價錢：成人$398起；小童$248起；長者$328起
日期：2025年9月1日至11月30日
港島香格里拉酒店福建菜食府推出秋日大閘蟹盛宴，主廚林陽悉心設計了精緻的單點菜餚和時令大閘蟹套餐 （$988/位），包括10道菜式：永春老醋蟹肉凍、葱絮蟹肉羹、蟹粉海皇柯豆腐、蟹粉扒山蘇菜及飄香蟹粉配煎麵線等，不少得遱有清蒸大閘蟹 (200克) 。最後以清新的甜點椰汁燕窩凍為作結。以上大閘蟹限定菜式亦可供單點享用。
唐人館置地廣場推出一系列時令大閘蟹菜式，嚴選足五両重的江蘇大閘蟹（$588/隻），除了經典清蒸之外，試試江南蟹戶傳統啤酒煮法，清新麥香釋放蟹油香氣，啖啖都鮮甜膏腴。其他推介菜式：生拆蟹粉香酥荔茸餅（$288），新鮮生拆蟹粉拌入南瓜與鮮芋頭泥，外脆內軟，口感綿密滑順。當季松露生拆蟹粉斧飯（$888）以當季黑松露與新鮮生拆蟹粉巧妙搭配，絲苗先煲成焦香斧飯，鍋底香脆米飯增添煙燻香氣，淋上炒製後的蟹粉，蟹香滲入米粒，最後刨上新鮮黑松露薄片，兩者完美平衡。
九龍香格里拉 Café Kool 咖啡廳也推出了大閘蟹主題自助餐，每位惠顧晚市可享清蒸大閘蟹乙隻。同時還有一系列以蟹入饌的菜式包括雞油花雕蒸蟹伴陳村粉、蟹黃蟹鉗蒸蛋白、蟹肉茶碗蒸和大閘蟹粉葱油拌稻庭烏冬等，蟹迷不能錯過。而海鮮冷盤區亦提供豐富的時令海鮮如龍蝦、雪場蟹、麵包蟹、紐西蘭青口、翡翠螺、太平洋大蝦及蜆等，讓海鮮迷大快朵頤。熱食海鮮方面，海參灌湯餃、日式鐵板即燒鮑魚、蒲燒鰻魚、避風塘龍炒龍蝦鉗、招牌軟殼蟹叻沙等包羅萬有，滿足不同口味的食客。要數這次的亮點必定是打卡一流的現場即切原條藍鰭吞拿魚，師傅會於星期五至日及公眾假期的自助晚餐表演。
金秋「蟹」逅自助餐
價錢：成人$468起；長者(60歲或以上)全年尊享65折
日期：2025年10月14日起
柏寧酒店餐廳 Playt 今年的大閘蟹自助晚餐——「秋意．蟹樂」包括每位兩隻約重四両的清蒸大閘蟹以及豐富的大閘蟹蟹粉佳餚，如蟹粉燕窩扒絹豆腐 、蟹黃花彫溏心雞蛋 、蟹粉忌廉汁意大利粉、蟹黃法式酥盒等。另外還有一系列蟹肉菜式和多款海鮮任食，包括即開時令生蠔、龍蝦、壽司、刺身、泰式生蝦、花菇鴨掌扣原隻鮑魚等，定能滿足你的海鮮胃。
「秋意·蟹樂」大閘蟹自助晚餐
價錢：成人$778起；小童$498起
日期：2025年10月13日至11月2日
維港凱悅尚萃酒店 Cruise 空中餐廳及酒吧再度推出去年大受歡迎的「秋日蟹逅」週末下午茶，每位只需$480起就可享豐富大閘蟹美點，包括蟹粉小籠包、原隻鎮江薑醋蒸大閘蟹、大閘蟹蟹粉芋角、蟹肉竹笙魚翅羹等。下午茶當然唔少得甜品，桂花香梨慕斯蛋糕、螃蟹造型朱古力、佛手柑法式千層酥等都是這次主題限定。加上無限暢享即叫即製的黑芝麻口味雞蛋仔、雪糕及各種配料，同時滿足鹹甜胃口。每位奉送 prosecco 氣泡酒以及同日免費尊享三小時無邊際泳池使用券，盡覽維港景致，官網預訂首兩星期更可享八折優惠。
「秋日蟹逅」週末下午茶
價錢：每位$480起（兩位起）
日期：2025年9月6日至11月30日
（每日3pm-6pm「日落時段」，可以優惠價享用精選雞尾酒)
坐擁近萬粉絲的大閘蟹著名網店，不少明星名人如王君馨、Lucy、葉佩雯等也有幫襯！肥美爆膏的大閘蟹十分吸引，全部貨源每日新鮮到貨。蟹公五両起大至十両，蟹乸五両半至八両，如此大蟹在市面上難得一見，鍾情啖啖爆膏的朋友必訂！另一亮點是集六隻大閘蟹精華（蟹膏、蟹肉、蟹粉）的金牌香濃蟹粉（$268），開蓋後加熱即食，在家輕鬆就能炮製蟹粉拌麵，黃金蟹飯，蟹粉水餃等蟹粉美食。
單吃大閘蟹太膩的話不妨一試這間海鮮送上門的網店，主打日本豐州市場空運海鮮到港，除了大閘蟹還可以一次過食勻新鮮特大帝王蟹、原隻活海膽、鱈魚白子以及多款香港少見的刺身魚類，相當吸引。每逢蟹季會兼售江蘇大閘蟹，蟹公四両半至五両半，蟹乸四両至五両。買滿十隻免運費送到家門且包兩套食蟹工具，另設門市自取，客人可親手揀蟹。店內還有售賣日式燒肉及壽喜燒，在家就能嘆到宮崎縣 A5 和牛、薩摩牛特上 A5 牛板腱、北海道産『雪夢豚』五花肉等日本靚肉。
網址︰www.oishioyster.com
另一近年受歡迎的大閘蟹訂購網店，主打頂級正宗江蘇大閘蟹。店家蟹源出自自家江蘇養殖場，持有產地來源証、衛生證明及經過食安中心檢測，令大家食得安心。蟹公四両起大至七両，蟹乸三両半至五両，保證爆膏。另售賣日本為主的新鮮果盒如香印提子、金時番薯、青森縣蘋果汁等，適合送禮自用，有興趣可到門市看看。
Discover Time Out original video
