節日限定 必食朱古力蛋

今個週末就係復活節,朱古力蛋唔少得
吉百利Oreo  餡朱古力蛋
作者:Ann Chiu |
廣告

越來越多朱古力品牌都趁機推出節日限定的朱古力蛋,五花八門各有特色,真係點止出奇蛋咁簡單﹗今次我哋走勻各大超市便利店,精選以下六款好吸睛嘅復活蛋俾大家,食得玩得又睇得﹗

瑞士蓮朱古力復活蛋

瑞士蓮朱古力復活蛋($45.90/六隻)

大家熟悉的瑞士朱古力品牌,佢嘅 Lindor 牛奶軟心朱古力出名香滑,而這款復活蛋就好似加大碼嘅 Lindor 朱古力,咬下朱古力蛋殼,即可感受到軟心朱古力嘅濃郁香滑。

Kit Kat, easter, egg

Kit Kat 朱古力復活蛋杯($78)

平時 Kit Kat 嘅口味多到一對手都數唔晒,不過呢個復活節限定版就忠於原味, 配埋大大隻朱古力金蛋同印有朱古力條嘅杯,Kit Kat 迷又多一樣珍藏品嘞﹗

廣告
吉百利Oreo  餡朱古力蛋

吉百利 Oreo 餡朱古力蛋 ($32/4隻)

紫色蛋盒好搶眼,入面放有四隻朱古力蛋,仲附送兩隻匙羹,好貼心。撕開紫色包裝紙扑開濃郁的牛奶朱古力味蛋殼,即見軟心 Oreo 碎忌廉,甜到入心入肺﹗

Mars 復活蛋

Mars 復活蛋($38)

鍾意朱古力拖肥嘅朋友,唔好錯過呢隻 Mars 嘅復活蛋,盒內除了有一隻巨型朱古力蛋之外,還一條 full size 朱古力條,脆餅乾底配濃郁朱古力和拖肥,令人無法抗拒。

廣告
M&M’s 朱古力復活蛋

M&M’s 朱古力復活蛋($13.50/隻)

M&M’s 一向包裝百變,好似呢個復活蛋 look 就夠晒應節,最啱用嚟玩 Easter Egg Hunt﹗每隻蛋入面有兩小包 M&M’s 朱古力,記得只溶喺口呀﹗

Maltesers, malteaster, chocolate, egg, easter

麥提莎兔連朱古力蛋($19.90)

造型可愛嘅麥提莎兔已經俘虜咗唔少麥提莎粉絲,今次仲加埋復活限定朱古力蛋,絕對係麥提莎兔嘅最佳拍檔。

相關文章

餐廳

最啱合家歡 Family Day 的十大餐廳

唔講唔知,香港有不少適合一家大細去玩的活動地方:可以摘士多啤梨、與動物互動的鄉村農場、適合全家人行走的登山步道、公共遊樂場等。除咗要好玩,小朋友的飲食也一樣重要。 推介以下一些歡迎帶小朋友用餐的絕佳地方,能在讓小朋友歡樂用餐的同時也讓父母吃得輕鬆。

廣告