乜嘜雞蛋仔

家庭小店式經營，除了賣雞蛋仔，都有燒賣魚蛋等街頭小食供應，放學時間經常要排長龍。雞蛋仔有款創意口味，好似較受歡迎嘅抹茶紅豆、熔心芝士及咖啡朱古力味。熔心芝士（$25），每格都放入芝士方粒，咬下香脆的雞蛋仔，堅係做到糕糕爆芝效果，鹹甜味融合適中，富有蛋香，整體質素很高。另一款咖啡朱古力味（$23），雞蛋仔也夠飽滿，做到外脆，內裏綿密軟心，咖啡味算濃，加埋半溶朱古力，味道好夾。