六大新春 buffet 推介

好少 buffet 以「菌中之王」松茸做主題，今次帝景軒仲加埋海參嚟過 crossover，認真落足本。總廚更加入以大江南北八大菜系的特色佳餚為元素，炮製出多款美饌包括：金湯豆腐海參羹、悠懸海參香干、雲腿海參絲、蟲草花姬松茸燜鴨、松茸鮮枝竹燴南瓜、松茸三文魚籽長通粉等。自助餐同時亦有多款鮮甜的海鮮、刺身、前菜及特色沙律源源不絕地供應，讓你大飽口福。凡惠顧自助晚餐，每位客人更可獲贈菜膽蠔皇蝦籽海參一客。

必食推介︰雲腿海參絲、蟲草花姬松茸燜鴨、壇子骨

「松茸‧海參大江南北」海鮮自助晚餐供應期至2018年 3月25日                       
成人︰$258 / 小童及長者：$188（星期一至五）
成人︰$318 / 小童及長者：$268（星期六、日及公眾假期）

香港君悅酒店咖啡廳一向以最優質的食材炮製世界各地正宗風味美饌，其馳名的海南雞飯，是 buffet 迷必掃目標之一。趁住天氣持續住寒冷，咖啡廳最新推出一系列的暖笠笠滋補菜式就更啱食。推介包括制何首烏黨參黃芪黑豆雞濃汁燴刺參和人參冬蟲夏草鹿茸枸杞子燉竹絲雞湯等。前者將濃雞湯混合了多款中草藥，如制何首烏、黨參和黃芪煮成湯底，再加入關東刺參煮至入味，有助補氣健脾；後者則在人參雞湯中加入原條的冬蟲夏草、鹿茸和枸杞子，味道清甜，而且有溫補及強身的作用。 

必食推介︰何首烏黨參黃芪黑豆雞濃汁燴刺參、當歸五味子黃豆醬炆羊腩、海南雞飯 

滋補菜式供應期至2018年2月28日
成人︰$658 / 小童︰$329  (星期一至四)
成人︰$698 / 小童︰$349  (星期五至日)

趁住新春佳節，餐廳打正旗號以花膠海膠做主題，無限量供應多款矜貴滋補菜式，包括：花膠螺頭燉雞、冰花海參燉六福糖水及桂花炒花膠絲等，為你在寒冷天氣添上暖意；當然還有多款環球美食任君選擇﹗

必食推介︰桂花炒花膠絲、海參糖水

節日自助餐供應期至2018年2月28日
成人︰$618 / 小童︰$378（星期一至五）
成人︰$668 / 小童︰$428（星期六、日及公眾假期）

Café East 最近做緊「牛迷盛宴自助晚餐」，除了主打十多款和牛菜式，也有不少其他中式美饌，如螺頭松茸燉牛腱湯、人參雞湯，而逢星期五至日更會增設蠔皇炆鮑魚，農曆新年期間仲會為每位客人送「鮑羅萬有」迷你佛跳牆。

必食推介︰蠔皇炆鮑魚、即煎鐵板燒澳洲和牛牛扒、鱈場蟹腳

成人︰$538 / 小童︰$268（星期一至四）
成人︰$598 / 小童︰$318（星期五至日及公眾假期）

萬麗咖啡室於新春期間特別推出一系列應節新春美食包括「風生水起」三文魚撈起沙律、「鴻運當頭」炆豬腳、「五福臨門」滷水拼盤、「笑口常開」炸蝦球及「高高興興」X.O. 醬香煎蘿蔔糕等，當然不少得還有好受歡迎的蒸新鮮龍蝦；此外，每兩位客人更可獲一份迷你鮑魚煲，有齊鮑魚、海參及北菇，為你送上吉祥美意。

必食推介︰蒸新鮮龍蝦、炸蝦球、三文魚撈起沙律

新春自助晚餐供應期︰2018年2月16日至19日
成人︰$628 / 小童︰$388

 JW萬豪酒店咖啡室嘅中式熱葷選擇唔單止多，而且當中有不少貴價菜式，最吸引的必定是上湯燴花膠，隻隻花膠也有手掌咁大；仲有紅燒蠔油海參、冬菇燜原隻鮑魚、蟹黃蒸龍躉等等，基本上專攻呢幾樣菜式已回本。當然其他美食如冷盤前菜、壽司刺身、即煮麵條、燒牛肉、羊鞍、沙律吧及甜品等亦應有盡有，必定令你捧腹而回。

必食推介︰上湯燴花膠、紅燒蠔油海參、冬菇燜原隻鮑魚

成人︰$658 / 小童︰$468 (星期一至四)
成人︰$718 / 小童︰$508 (星期五至日、公眾假期及前夕)

城景閣一向係 buffet 界中的黑馬，以平價高質的美食做招徠。趁住農曆新年更推出「鮑魚花膠薈‧海鮮自助晚餐」，以矜貴鮑魚與花膠打造豐富海鮮盛宴，推介美饌包括花膠煙三文魚山葵紫菜卷、韓式鮮人參燉花膠雞湯、花膠鮑參炆飯釀魷魚筒、金箔法式鮑螺海皇燉蛋、花膠黃醬海膽烘扇貝、迷你鮑魚野菌撻等。另外還有任食滋味海鮮包括空運美國及紐西蘭生蠔、鱈場蟹腳、布朗蟹、澳州凍蝦、鮮蜆、藍青口等時令海鮮及日式刺身。甜品方面則有八款口味的 Movenpick 雪糕及即製窩夫，以及無限添飲果汁、指定啤酒及紅白餐酒；每位客人仲可免費獲贈法式鮑魚科米多（法式焗鮑魚）一客。

「鮑魚花膠薈‧海鮮自助晚餐」供應期至2018年2月28日
成人︰$438 / 長者︰$368 / 小童︰$288 (星期一至四，公眾假期除外) 
成人︰$458 / 長者︰$388 / 小童︰$288（星期五至日及公眾假期）